NUTS 2009 台灣之旅 2009.9.19 - 2009.9.22 前言 今次繼2005年12月台灣旅行再重遊台灣AGAIN
特別感謝張氏夫婦
由籌備、BOOK PACKAGE、搞入台証、安排行程一手包辦
多謝各團友帶比我今次愉快旅程
大部份團友都係第一次一齊去旅行, 希望好快會有下次 不得不提
COTTON係我地出發前幾日病左要入院幾日
好在係出發前一日都出到院
仲要麻煩一位狗主朋友係旅行期間照顧COTTON
辛苦哂! DAY 1 2009.9.19 為左有足夠時間比我係出發前容顏重組+做人肉鬧鐘叫醒TKW NUTS團起身
天都未光、凌晨四點我就起身了=__=
最後大家都整頓好就係樓下會合出發去機場了
去到機場...原來我地呢團係最早到
等其他NUTS陸續黎到齊人就CHECK IN
就係大家都好快手咁係E-道CHECK IN完準備搵早餐食既時候, 某團員居然發生左一件不可思議既事!XD
當大家係BURGER KING食飽之後就起程上機了!
其實上到飛機都有飛機餐的...不過經過BURGER KING既洗禮, 個飛機餐基本上我無乜點掂過...
 經過個幾鐘既機程, 我地終於都到達台灣了
CHECK OUT之後買左飛狗來回車票向酒店出發了
撘左個幾鐘既車程到達酒店, 由於有三間房都仲執拾中
大家唯有將D行李放係其中間房
安頓好D行李之後, 大家就向台灣正式既第一個目的地出發了!  點水樓 我地NUTS團係台灣正式既第一餐+目的地
其實都係食小籠包之類既上海茶館, 最好食反而係醉雞同賽螃蟹
  
  
  
 墨汁小籠包都幾特別
好豐富既午餐! 食飽之後返酒店CHECK IN埋剩低個三間房
搞掂之後就去西門町出發了
難得黎到台灣, 當然要試下當地既珍珠奶茶
係張氏夫婦安排既行程上, 大家就黎到呢間茶坊飲茶
味道都幾好, 但我嫌甜左D, 加上頭先個餐都未消化好, 我同小淇淇兩人一杯岩岩好
大家一路嘆住茶一路向西門町進發了
好快地已經去到下個CHECKPOINT - 阿宗麵線
 
由於我實在太飽了, 所以都係睇人食算了
傳說甜品對於女人黎講可以有第二個胃容納到, 為左証明呢個傳說
大家就係呢日培養左台灣之旅既習慣 - 食冰!   你今日食左冰未丫?
其實係香港都好想試下D綿綿冰, 宜家終於可以一試
十萬個滿足!
根據行程, 我地下一站係去飲木瓜奶
加埋頭先餐冰, 我已經有肚痾既覺悟了!
 
第一次飲木瓜味咁重既木瓜奶, 唔知飲完係咪真係豐到胸呢?XD 飲完木瓜奶之後, 我同小妹去左附近間EASY SHOP同康是美睇下野
康是美其實好似香港既莎莎、卓悅, 我見到D平到笑既DR. WU PACKAGE已經心動
不過仲有幾日時間, 唯有等遲下先入貨
睇左一陣間會合返邦SIR+小淇淇, 原來其他NUTS已經先行一步去買八仙果
我地兩PAIR人搵左一輪路先會合返其他NUTS, 之後就會下一站出發 係正式晚餐前既熱身 - 曉河夜市
 
 
真係多人到爆, 終於都試到胡椒餅了! 難得戒左牛既我食落都唔覺騷
係夜市逛左陣, 都差唔多時候向下一個CHECKPOINT進發
其實我地撘的士去, 點知個司機又去錯地方
我地問左一輪路去到, 原來又唔係我地BOOK個間分店
最後又摸左一輪終於都到了!
我地既台灣之旅第一個晚餐
其實係一間類似韓燒既烤肉店
   
大家食飽飲醉之下見証邦SIR食粟米+小妹食多春魚
仲有萬眾期待既世紀之吻! 最後飽到頂哂胃咁撘車返酒店
其他NUTS仲有鬥地主夜場節目...不過我真係頂唔順
沖完涼就即刻訓了 期待聽日既行程! DAY 2 2009.9.20 經過琴日既舟車勞動, 今朝起身個人都仲有D"支力"
大家係LOBBY集合之後就向我地今日第一個目的地 - 鼎泰豐!
 一朝早就見到D師傅忙個不停
  
  試左菜肉包同豬肉包, 個菜肉包應該90%都係菜
 當然影返張團照啦~
 今次黎特登試下星期日限定既小籠湯包, 幾好食
整體上我覺得好食過琴日間點水樓 呢餐都只係當個胃做下熱身, 下一站係去永康食牛肉麵
點知去到間鋪先準備開鋪, 話營業時間由十一點起
見離十一點都仲有成半個鐘時間, 唯有又去食冰啦
  
 我同小淇淇叫左個焦糖蒟蒻鮮奶酪冰, 好好味!
食完冰成個人當堂涼哂!
見咁上下時間就行返去永康, 個時大約十點四十五分, 但已經見到做緊生意(被騙了!)
 
由於頭先食左冰既關係, 大家都係SHARE黎食, 個伙計見我地十個人先叫得幾碗, 小淇淇好順口咁答佢"見你們未開門, 我們吃飽了冰" 成功完成永康呢個CHECKPOINT, 我地下一站係袖珍博物館
就係我地一路等巴士一路鬥地主既時候, 先發覺個架巴士星期日應該係停駛
唯有打的去啦, 同時亦都開始兩個鐘無野食既階段 CHECKPOINT - 袖珍博物館
呢個CHECKPOINT都係第一次去
其實事前我無特別研究, 原來係成堆類似森林家族既展覽館!!
睇得我好開心!!!
  
  
真係做得好仔細! 但影左好多相, 只可以擺部份上黎
有時近鏡影埋去真係幾可亂真, 完全睇唔出其實只係森林家族SIZE 征服左呢個CHECKPOINT之後有D自由活動時間
大家分成兩團
男子組去光華, 我+小妹+茶+綽+蕉SIR出發去微風廣場
我地呢五個NUTS毫無難度咁搵到微風廣場XD
本身以為呢個廣場係類似金百利之類既SHOPPING MALL
點知原來係SOGO, 一入到去就見到CARTIER, LV, GUCCI, BV等等...OMG//9
去到咁上下接近集合時間
大家行去車站會合返其他NUTS, 準備向下一個目的地 - 淡水 - 出發 去到當然又掃下街
一行入條食街就見到有個低胸美媚賣蔗汁, 某位團員即刻吸左過去幫趁XD
 其中呢間蔥抓餅, 幾好味
另外仲試左D豬血糕, 食完都唔知自己食左D乜野入口... 大家都食到咁上下就撘車去淡水橋 題外話...其實今日有五位NUTS件衫非常之SHARP
D顏岩岩好可以組成NUTS戰隊, 呢個全新組合就係淡水呢個CHECKPOINT正式影左第一張團照..XD
 日景
 夜景
到夠鐘又係時候去下一個CHECKPOINT - 士林夜市
其實頭先掃街D野都未落格...不過都同小淇淇SHARE左一塊豪大大雞排
仲一次過飲左兩杯白苦瓜汁, 原來幾好飲!
另外食左少少蚵仔煎 由於BOOK左今晚去"手泵"骨, 時間緊迫又要打的去
落到車又係要搵一輪, 好在好快搵到
呢間係肥暈女友介紹, 我都好耐無比人"手泵"過
個師父好落力, 但呢兩日行太多路, 加上本身D筋都好實
個過程簡直好似比人毒打咁, 痛到HIHI
不過搞掂之後成個人鬆哂! 大家都搞掂就飛的去趕尾班車
其實個人都尚算精神, 但對腳真係好酸軟
拿拿淋沖個涼就去訓了 LAST UPDATE ON: 2009.9.28 | 
